നിന്റെ വരവ്
നിശബ്ദമായൊരാഹ്ലാദം
എന്റെ പിണക്കം.
ഇണക്കത്തിന്റെ ആരവങ്ങളില്
നമ്മള് വീടുകെട്ടി
അടുക്കള പുകച്ചു
ചിരട്ടത്രാസില്
ജീവിതം അളന്നു.
ചെകുത്താന് രാത്രികള്
കൂട്ടുമുറുകുമ്പോള്
പകലുകള് പായുന്നു.
എന്റെ ഇഷ്ടിക ബസുകള്
വളവു തിരിയുമ്പോള്
പുളിങ്കൊമ്പിലെ ഊഞ്ഞാലില്
നീ യാത്രയൊരുക്കങ്ങള്
പറഞ്ഞു കൊതിപ്പിക്കും.
വഴിയരികില് നിന്ന്
കൈവീശിക്കാണിക്കുമ്പോള്
നീയിരുന്ന സീറ്റാണ്
മനസുനിറയെ.
നീ കയറിപ്പോയ ബസില്
ഞാന് വീണ്ടും
നീയിരുന്ന സീറ്റില്
ഇരിക്കെ
നിറവിന്റെ അനുഭവം
പ്രണയമായിരുന്നിരിക്കണം.
(may 2009)
No comments:
Post a Comment