രാവേറുന്നു നിശബ്ദം
മഞ്ഞില് നനഞ്ഞ കഴുമരം
നിന്റെ കണ്വെട്ടത്തില്
ജീവന്റെ ചൂടു തേടുന്നു
നടന്നു തീര്ന്നതാവാമിത്രയും
വഴികള്; മറന്നതേയില്ല
കണ്ണുകള് കോര്ത്ത സന്ധ്യകള്
രാവു കനക്കുന്നു
ദൂരമറിയാത്ത
വഴികള്ക്കപ്പുറം നിന്നും
ഒരു വിരല്ത്തുമ്പിന്റെ
തീവ്രസാന്ത്വനം തിരഞ്ഞുപോയവര്
മടക്കയാത്രക്കു മുന്പേ
കാറ്റിനൊപ്പം പോന്നിരുന്നെങ്കില്
രാവു മരിക്കുന്നു
നെഞ്ചിടിപ്പുകളിണചേര്ന്ന
പകലറുതികളോര്മ്മയില്
തിളച്ചു പൊങ്ങുമ്പൊളെപ്പോഴോ
കറുത്ത തിരശീലക്കു മേല്
കാഴ്ചകളുടയുന്നു